السبت، أغسطس ١٨، ٢٠٠٧

كابوس غرق البرنسيسة هايدى ببنى سويف












التحقيق يحتوى على صور و فيديو خاص بالحادث

البرنسيسة هايدى حلم كل شاب أن يعقد قرأنه أو زفافة بها و لكن تحول هذا الحلم إلى كابوس فجأة بعد غرق العوامة أمس و الذى أسفر عن أصابة عشرة بحالات هستيرية و أصابات فى الجسم طبقا لمصدر مسئول بداخل المستشفى العام رفض ذكر أسمه و سفينة البرنسيسة هايدى و التى ذاع شهرتها منذ حوالى سنة و نصف تقريبا تلقت عدد من المخلفات و قرارات الازالة من قبل الادارة العامة لحماية النيل ببنى سويف و الهيئات العامة الاخرى و هو مثبت فى محاضر بذلك و بعد كل هذا قام صاحبها بضرب عرض الحائط و قام بتشغيلها و رغم وجود عدد من قرارات الازالة بل الذى يدعو الى الاندهاش هو وقف قرارات الازالة فجأة من محافظ بنى سويف الحالى ، و عوامة البرنسيسة هايدى تتكون من طابقين الى جانب المرسى ، الطابق الارضى و هو للاقامة حفلات العرس و الخطوبة أما الثانى و هو العلوى فهو يعمل كازينو للاستضافة الافراد و العائلات







فيديو لمكان الحادث بعد وقوعه بلحظات

عوامة البرنسيسة هايدى جاءت الى بنى سويف بعد ان تم تشغيلها من قبل و تم تجديدها و تجهيزها من جديد و تم افتتاحها بالغرم من وجود قرار إزالة لها
لمهم فى الموضوع انه فى حوالى الساعة الحادية عشر من مساء أمس و فى أثناء حفل زفاف بالدور الاسفل للعوامة حدث ميل شديد للعوامة كان سوف يؤدى الى غرقها و لولا العناية الالهية و سرعة أخلاء العوامة من ألافراد لكانت فى عداد السفن الغارقة و لاول مرة منذ حريق قصر الثقافة تهرع الاسعاف للاعانة المصابين و الذى وصل عددهم الى عشرة افراد أغلبهم حالات هستيريا و صرع و ارجع البعض سبب ميل العوامة و غرقها الى زيادة الحمولة بطريقة كبيرة جدا و من جانب واحد مما ادى الى ميل السفينة بسرعة
و لكن يبقى السؤال الى متى سوف يظل الاهمال الى هذا الحد فى محافظة بنى سويف فى أقل من سنتين و بعد حريق قصر ثقافة بنى سويف
و هنا السؤال من هو الجانى الحقيقى؟؟؟؟؟؟؟




فيديو لصالة طؤارى المستشفى العام بعد وقوع الحادث مباشرة



داخل المستشفى العام ببنى سويف













الجمعة، أغسطس ١٧، ٢٠٠٧

حدوته أولاد الحته ( الشعب فى كاتونة ) الجزء الاول


فالاول قبل ان أبدء فى حدوته اولاد الحته اعتذر لزملائى اللى علقوا لانى غليت البوست بعد وفاة الزميلة شيماء بيومين و قد أعدت نشره مره اخرى
و هنحكى على ولاد الحته وهنقول كل حاجة بتحصل فى الحته و بين الحوارى و البيوت و هنقول كتير و هنقول عن وفى منها الحقيقية و فى منها من وحى الخيال بس يارب تعجبكم و مستنى رأيكم ادام سيبر الحته


الشعب فى كارتونة


فى كل مرة بنزل فيها أحب أروح أقعد على المقهى الشعبى الموجود ببلدى و تلاقى أشكال وألوان كتيرة ، إيشى سواقين و إيشى عمال بألاجرة و إشى شباب من كتر البطالة قاعدين يعدوا اللى داخلين و اللى طالعين.
أخدت كرسى على الناصية و طلبت سلطانة المزاج بتاعة كل يوم بس أوعوا تفتكروا حاجة غلط دى كباية شاى حبر صعيدى و سندوتشين فول علشان أعرف أتيس بقية اليوم ، و زى كل يوم وصل عم حرنكش هو و صاحبته عزيزه و برده لسه نازل ضرب فيها، أصل عزيزه حماره حماله أسيه بتنضرب و ما تقولش لا أبدا
عم حرنكش عنده 70 سنة و بيشتغل من 55 سنة فى جمع الورق من الزبالة و الكراتين اللى فى الشوارع من الصبحية لحد المغربية ، المهم سلطانة المزاج راحت وطارت لان عم حرنكش أكل الفول و حبس بالشاى و قال أيه أبقى أدفعلى الحساب المتأخر عليا و قعد يشتكى همه و يتكلم ويقول عاللى فى قلبه : الناس يا جدع بقت شكلها بتأكل الورق و الزبالة و مش لاقى حتى ورقه و لا شيكارة عليها القيمة
قلتله: ياعم حرنكش شكل البيئة بتشيل الفضلات بتاعتنا و كتر الله من أمثالهم
فرد عليا بضحكة كبيرة بس فيها حزن شوية : تعرف يا ابنى أنا كنت أعرف حال الشعب من الكارتونة أو الشيكارة اللى بشلها كل يوم
فأندهشت و أخدتنى الفلسفة مع عم حرنكش و قعدت أسمع بقية كلامة
كمل و قال : زمان لما كنت أروح أشيل كارتونة من أدام بيت أو مقلب زبالة كانت تطلع كارتونة شيبسى ولا كا رتونة بسكوت أو كراتين أكل عجيبة و كنت الآقى شكاير الاسمنت بالكوم و محدش راضى يخدها ، أما دلوقتى الدنيا أتغيرت و بقت عجيبة بجد دة انا لو لقيت كارتونة واحدة فى الشارع ممكن أعمل فرح بها و أغلب الكراتين مكتوب فيها كلام مش مفهوم ، يعنى مش زى اللى فى الجرانين
و جرى عم حرنكش على العربية يجيب كام كارتونة و قال أيه أنا المثقف بتاع الحته و ممكن أقوله دى بتاعت أيه ، رجع بعد دقايق و أدانى أول كارتونة و قالى أنه بيشيل منها كتير جدا كل يوم و بكميات كبيرة و زى ما بيقول عمنا صلاح جاهين (خدنى العجب) اول ما شوفتها
تعرف يا عم حرنكش الكارتونة اللى مكتوب عليها بالانجليزى دى تبقى بتاعت شركة مستر سرور بتاع حدوته أكياس الدم الملوثة ........ الحمد لله الشعب كله بقى مريض و كمان بيتنقله الدم بالاكياس النظيفة والامنة

ما علينا الكارتونة التانية طلعت بتاعت دوا قلب و التالتة بتاعت ادوية سكر و الرابعة بلاش احسن اقول كانت بتاعت ايه علشان بصراحة عيب قوى و الحمد لله عم حرنكش جابلى المرض و أنا قاعد معاه و لله الحمد الشعب بقى مريض كوكتيل بجميع الوانه المتعددة
و لفيت وشى لعم حرنكش و قولتله: انبسط ياعم حرنكش الشعب كله بقى مرضان عنده أمراض الدنيا كلها ، خليك تشتغل ياباشا و تأخد الكراتين من أدام المستشفيات ببلاش بس عايز اخدلك صورة أنت وعزيزة و الكارو مليانة بالكراتين دى
لقيته زى القرد قام بيجرى على العربية و اختفى من ادامى فى أقل من الفينو ثانية ، قال ايه خايف أحسن الناس تشوف صورته فيتحسد فيبقى حاله زى حال الشعب فى الكارتونة ولا يبقى من رواد الكراتين دى
بالزمه و على رأى عم حرنكش الناس زمان كانت تضحك و تشترى و ماكنش عندهم أى مانع او يعرفوا حاجة أسمها حزن و دلوقتى الناس بتبكى و الجيب بقى فاضى من كل حاجة حتى من أزأزت اللب و نهاركم بصل و كارتونه و فجل

الأربعاء، أغسطس ٠٨، ٢٠٠٧

انا لله و أنا اليه راجعون

بعدما بدأت فى نشر حدوتة اولاد الحتة قد سحبتها مرة اخرى و ذلك بعد وفاة الزميلة العزيزة
شيماء صاحبه مدونة شيكو اونلاين و التى قد علمت خبر وفاتها من الزميلتين شيماء ا
الجيزى و سمراء النيل

و قد حاولت و انا اكتب هذا البوست ان افكر فى شئ بسيط نقدمه للمدونة الفقيدة و التى كانت
فى صراع مع المرض على حد ما ذكرته قبل وفاتها على مدونتها فلم اجد الا ان نقرأ جميعا
لها الفاتحة و أن ندعو لها بجنات النعيم مع الرسل والصحابة والصدقين و الشهداء

و حتى نظل نتذكر الفقيدة فقد قمت بتصميم هذا البانر ليوضع على مدونة كل فرد كانت
تربطه تعليق على مدونتها او اخوة او زمالة و لمدة اربعين يوما من وفاة الاخت العزيزة
شيماء ، اتمنى ان تقراو الفاتحة للشيماء والدعاء الدائم لها
أنا لله و انا اليه راجعون