نفتكر من سنين عديدة حادثة قطار الصعيدى الشهيرة و الاشهرة فى عدد ضحايها طبعا
و حوادث القطارات الكتيرة و زى ما بتقال شالوا الدو حتوا شاهين و الخطأ هو هو
---------
بعد حوادث الطرق قالوا السبب هو شئ عجيب عمال النظافة بيغسلوا الطريق ميه بصابون
و دة عيب فنى كبير بيخلى العربيات تتزحلق على طول و قال أيه فى الصبح ما تركبوش عربيات
لان الندى بيخلى الارض متبللة ميه كتير و دة خطر على جميع السواقين
-------
قولنا نركب المجرى راحت الحوادث شمال ويمين
سألنا أية السبب قالوا عمال التحويلة مش فايقين كل يوم ياكلوا فول فى فول
علشان كدة جبنلهم بسكوت و حلاوة و جاتوه و فطير
--------
قولنا نركب سفن ماهى السفن فى الكم كتير
غرقت السفن فكان السبب قروش و استاكوزا و جمبرى كمان
اصلهم اتعلقو بالعبارة فى هجرة غير شرعية و كان الوزن تقيل
غرقت العبارة من تقلهم و احنا قال اية مصدقين
-----------
واخرتها طيارة طيره فوق لبعيد وقعت على بيت مسقوف بالطين
سألنا أية السبب قالوا ياحرام على الطيار المسكين
وزة رمشته بعينها خليته عن طريقه مشغول
خبطت الطيارة فى سحابة و ضاع كل الركبين
-----------
قولت مفيش غيرها حماره عم بديع الفهيم
حمالة أسيه وبتوصل من غير ما تعمل عميلها اللى مش هى
بس لو رفست فى الارض هتقعد و احنا مش مروحين
نفسى اشوف ابويا وامى
نفسى اشوف اخويا و اختى
نفسى اروح بلدنا بخير وسلامة
حلوها انتوا يا مصريين
هناك تعليقان (٢):
السكة الحديد الصداع المزمن وأحد نماذج خلل النظام المصرى السياسى المهترى ربنا يصلحها
الغريب
معلش يا معتز... أصل الإنسان العادي رخيص أوي في مصر...ميستاهلش الإهتمام بوسائل مواصلاته...هيموت كام يعني...عشرة...مائه...ألف...طب و إيه يعني؟؟؟...الرأي العام هيثور...بكره يخمد.......عادي
إرسال تعليق