تاج جميل واول تاج ليا بجد دى حاجة جميلة قوى بس حرام عليكم دبستونى فيه ولازم ارد بصراحة ومفيش احلى من الصراحة و الصراحة راحه , بس اروح اعمل دور شاى صعيدى الاول و بعدين اجاوب على التاج , اصله عايز مخ و تفكير وانا لسه واكل شندوتشين فول بالزيت الحار
بس الاول اللى الله يسمحهم و كانوا السبب
Smraa alnil
امانى لمحات
Nadoooo نادين
إيه إللي هيحصل لإيميلك لما تموت؟
هيتوزع على الورثه بالتساوى او كل واحد يأخد الاميل اللى يحبه و ممكن اى حد يتبرع به لاى مدون
إديت الباسوورد لحد قبل كده؟
حلوة النكتة دى
ما الباسورد اللى يبقى بين اتنين مايبقاش باسورد يبقى فضيحة و لا يمكن ادى لحد كلمه السر , بس فكرت فى فكرة جميلة علشان لو الزهيمر اشتغل عند الواحد , اشترى خزنة فى بنك و احط فيها كلمة السر
يعنى ما هو الواحد مش ضامن الظروف ينام يصحى يلاقى نفسه نسى كل حاجه تبقى مصيبة
اسمك؟
معتز شلبى
اسم الدلع المشهور وسط أصحابك؟
جنا للفضايح بقى ما اصله يوم باين من اوله
يعنى لازم اقول اسم الدلع , لازم يعنى
الاسم اللى معروف بيه فى الكليه و بين زمايلى هو ميزو و الاغلبية بيقولى كده لدرجه ابتديت أنسى اسمى الحقيقى
كل زمايلى بينادونى بميزو , حاجة فضيحة و الله صعيدى واسمه ميزو , ده لو عرفوا عندينا يقتلونى على طول
عمرك؟
21 سنة
8 شهور
ستة ايام
برجك؟
الجوزاااااااااااء
مجال دراستك؟
بدرس فى نهائى طب بيطرى
شخصيتك نوعها إيه؟
سؤال صعب جدا و اعتقد انه ملوش جواب عندى لانى احيانا ممكن الانسان يقول صفات او شخصيه لا يمتاز بها بل يقولها لغرض او معنى فى مخيلته بس اللى اقدر اقوله انى انسان بسيط جدا جدا عامل زى الجمل صبرى طويل جدا بس لما اتنرفز ببقى صعب جدا , بحب كل يوم ارسم ولو ابتسامه على شفاه كل انسان يستحق الحب و الصداقة , اعشق رسم الحياة بريشة الونها من الدينالايمان و الحب و الرومانسية الباعثة للنور , الحمد لله الامل متجدد دائما عندى فالعبارة التى ادقنها ان الامل موجودا دائما لا يمكن ان نفقده فى اى حاله من الاحوال و كفايه على كده لانى مبحبش اتكلم بجد عن نفسى لان شخصيتى لا تحب ان تتكلم عن نفسها بل تحب العمل فى صمت
السفر بالنسبةلك؟
حسب نوع السفرية اللى مسافرها بس على العموم انا مبحبش السفر كتير لانه متعب جدا بس لو كانت رحلة بتبقى جميلة ولو كانت ابتعاد عن من احببتهم بتبقى غلسه قوى و بكرها فوى
المود بتاعك؟
على ما اعتقد انى جوبتها, صبرى طووووووووويل جدا و من الصعب ان انفعل بسرعة بس لما بغضب ببقى صعب جدا و بحب ان ارسم الابتسامة و الضحة دائما على وجوه الاخرين دائما حتى و لو كنت حزين
وقت فراغك بتعمل فيه إيه؟
قرأه القران الكريم و القرأة بألونها المتعددة
الكمبيوتر
الكتابه بغض النظر عن نوعها و دى هى و قرأه القران اكتر حاجه عدنى بحبها جدا
احاول ان اتعلم اى حاجة مفيدة ليها و لغيرى
و حاجات تانية كتير
الأكلة المفضلة؟
هو ممكن اغير السؤال ابه اللى ممحبش اكله , اصل بعيد عنكم و عن السامعين اخوكم طفس جدا لدرجه رهيبه يعنى كل حاجة بكلها و كلها مفضلة بس المهم نملى المعدة و مش عايز طريقه من حد
الصفات إللي خدتها من بابا؟
كتير بس اللى فكره
الصراحه – حب العمل – الصبر – طيبه القلب – الالتزام بالوعود
الصفات إللي خدتها من ماما؟
ست الكل ربنا يخليها لينا نفسى بجد اخد كل حاجة منها بس اللى فكره برضه
القلب الطيب جدا – الايمان القوى – الرقه و حب الغير و كتيييييييير نفسه اخده منها
أكتر 6 حاجات بتكرهها؟
الفساد
القسم بالله فى كل شئ و بدون مبرر
الظلم
الكذب
التمييز بين الافراد
التطفل على الغير
أكتر 6 حاجات بتحبها؟
الصدق
الصراحة
الهدوء
بابا و ماما و اخويا
دكتور ايمن نور
اسعاد كل انسان يحتاج الى يد تساعده
الشغل بالنسبةلك؟
حياة جديدة و عالم اخر لابد ان نخوضه فى حياتنا
بمعنى ادق تعليم وتعلم ,و حتى نشعر بقيمه الحياة
إيه الكمبيوتر و الإنترنت بالنسبةلك؟
دى روحى روحى روحى من جوه قلبى وربنا يعلم يا جماعة
كفاية انى عرفتكم و عرفت احسن اصدقاء
تحب تمرر التاج لمين بعدك؟
و الله هو اللى كنت عايز امررلهم التاج اغلبهم كتبتوه قبلى بس ربنا يسهل والاقى حد ما عملش التاج
قصاقيص مشاعر
الغريب
منصوراى
احمد المصرى
ياسمين skylight
له نهاية
Scorpio™
كفاية كده لانى بدور من الصبح و كله عامل التاج
استأذنكم لمدة اسبوع هختفى فيها لانى مسافر مع الكلية و انا اسف جدا لانى ممرتش عليكم فى مدوناتكم لانه مفيش وقت عندى و انتوا عارفين الوزارء بقى
اشوفكم على خير
